Skip to main content
site header image

Skemman, verkefnaskil: Opinn aðgangur

Skemman er rafrænt varðveislusafn fyrir lokaritgerðir íslensku háskólanna. Ath. að doktorsritgerðir eru skráðar í opinvisindi.is sjá leiðbeiningar https://libguides.landsbokasafn.is/c.php?g=710965&p=5057895

Um aðgang að lokaritgerðum nemenda

Ávallt hefur verið gengið út frá því í háskólum að aðgangur að ritgerðum og öðrum rannsóknaniðurstöðum skuli vera opinn. Það ræðst af eðli háskólastarfs og rannsókna. Litið er þannig á að þekking sé sameiginleg gæði og sú meginregla gildi að allar rannsóknarniðurstöður séu birtar, þar sem það er ein forsenda þess að hægt sé að sannreyna niðurstöður og bæta og auka við þekkingu

Þó eru engin bein fyrirmæli í lögum eða reglum háskólans um aðgang að lokaritgerðum nemenda. Hins vegar á reglan um að ritgerðir og niðurstöður rannsókna, kennara og nemenda, séu aðgengilegar sér stoð í siðareglum skólans.

 


 

Opinn aðgangur – Reglur Háskóla Íslands

Háskóli Íslands hefur samþykkt reglu um opinn aðgang að rannsóknarniðurstöðum en á enn eftir að semja reglur um aðgang að lokaritgerðum nemenda. 

Opinn aðgangur – Landsbókasafn

Þann 12. september 2012 undirritaði Ingibjörg Steinunn Sverrisdóttir, landsbókavörður, Berlínaryfirlýsinguna um opinn aðgang fyrir hönd Landsbókasafns Íslands – Háskólabókasafns.

Þar með staðfestir safnið stefnu um opinn aðgang að rannsóknarniðurstöðum sem unnar eru fyrir opinbert fé í samræmi við stefnu Vísinda- og tækniráðs og Lög um opinberan stuðning við vísindarannsóknir.

Landsbókasafn Íslands – Háskólabókasafn hefur einnig skrifað undir Lyon-yfirlýsinguna um aðgang að upplýsingum og þróun. Með henni hefur IFLA ,alþjóðasamtök bókasafna, haft áhrif á ný heimsmarkmið Sameinuðu þjóðanna.