Þingskjöl (A)
Hér á eftir fara dæmi um hvernig vísa má til þingskjala.
Frumvarp til laga um jarðhitaréttindi, 56. mál, þskj. 56. Alþingi 1997–98, 122. löggjafarþing.
Skammstafað: Frv. til laga um jarðhitaréttindi, 56. mál, þskj. 56. Alþingi 1997–98, 122. lögþ.
Umræður (B)
Umræðum sem fara fram á þingi er skipað í tímaröð eftir því hvenær þær fóru fram. Tölutilvísanir í umræður í efnisyfirliti Alþingistíðinda merkja dálkatal. Fram til ársins 1986 var aðalefnisyfirlit beggja deilda fremst í B-deild.
Hér á eftir fer dæmi um hvernig vísa má til umræðna.
Í umræðum utan dagskrár 9. október 1997 um málefni Lánasjóðs íslenskra námsmanna sagði Björn Bjarnason menntamálaráðherra: „Það er að koma í ljós á grundvelli stjórnsýslulaga og annarra reglna sem gilda að nauðsynlegt er að fara ofan í margar starfsaðferðir sem gilt hafa í okkar stjórnkerfi og gera þær skýrari."
Tilvísun: Alþingistíðindi 1997– 98, 122. löggjafarþing B. Umræður: 266–267.
Skammstafað: Alþt. 1997–98, 122. lögþ. B.: 266–267.
Í efnisyfirliti Alþingistíðinda er vísað í umræður í B-hluta með skammstöfuninni umr.: og dálkatal sett þar fyrir aftan. Einfaldast er að vísa í B-hluta þannig:
Alþingistíðindi 1997–1998. 122. lögþ. B. Umr.: 266–267.