This is the "Velkomin" page of the "Opin vísindi" guide.
Alternate Page for Screenreader Users
Skip to Page Navigation
Skip to Page Content

Opin vísindi  

Opin vísindi er stafrænt varðveislusafn fyrir ritrýndar vísindagreinar og efni sem birtist á vegum íslenskra háskóla
síðast breytt: Jun 7, 2017 Slóð: http://libguides.landsbokasafn.is/opinvisindi Prenta leiðarvísi RSS uppfærslaEmail Alerts

Velkomin Prenta síðu
  Leita: 
 
 

OA

 

Um Opin Vísindi

Opin vísindi er stafrænt varðveislusafn fyrir ritrýndar vísindagreinar og efni sem birtist í opnum aðgangi á vegum Háskóla Íslands, Háskólans á Akureyri, Háskólans á Bifröst, Háskólans á Hólum, Háskólans í Reykjavík, Landbúnaðarháskóla Íslands, Listaháskóla Íslands og Landsbókasafns Íslands - Háskólabókasafns. Opinn aðgangur að rannsóknaniðurstöðum er í samræmi við 10. gr. laga nr. 3/2003 um opinberan stuðning við vísindarannsóknir sem og kröfur innlendra og erlendra rannsóknasjóða. Markmiðið með opnum aðgangi er að niðurstöður rannsókna sem unnar eru við íslenska háskóla og rannsóknastofnanir séu aðgengilegar sem flestum óhindrað og án endurgjalds á rafrænu formi. Vistun í varðveislusafninu er varanleg og ætlað að tryggja aðgang að útgefnu vísindaefni íslensks rannsóknasamfélags um ókomna tíð. Með því að safna þessu efni saman í eitt safn verður aðgangur að því einfaldur og þægilegur fyrir alla sem vilja kynna sér það og þannig geta sem flestir notið þess öfluga vísindastarfs sem fram fer á landinu. 

Varðveislusafnið er OpenAIRE / OpenAIREplus samhæft og samrýmist kröfum sem gerðar eru um birtingu rannsóknaniðurstaðna úr verkefnum sem styrkt eru úr evrópsku rannsóknaáætlununum FP7 og H2020. 

Varðveislusafnið notar opna hugbúnaðinn DSpace.

 

Opin aðgangur - Landsbókasafn Íslands - Háskólabókasafn

Þann 12. september 2012 undirritaði Ingibjörg Steinunn Sverrisdóttir, landsbókavörður, Berlínaryfirlýsinguna um opinn aðgang fyrir hönd Landsbókasafns Íslands – Háskólabókasafns.

Þar með staðfestir safnið stefnu um opinn aðgang að rannsóknarniðurstöðum sem unnar eru fyrir opinbert fé í samræmi við stefnu Vísinda- og tækniráðs og Lög um opinberan stuðning við vísindarannsóknir.

Í nóvember 2016 samþykkti framkvæmdaráð safnsins stefnu um opin aðgang og opin vísindi.

Landsbókasafn Íslands – Háskólabókasafn hefur einnig skrifað undir Lyon-yfirlýsinguna um aðgang að upplýsingum og þróun. Með henni hefur IFLA, alþjóðasamtök bókasafna, haft áhrif á ný heimsmarkmið Sameinuðu þjóðanna.

Umsjón

Profile Image
Sigurgeir Finnsson
 
Lýsing:

Loading  hleður niður ...

Tip