Skemman, verkefnaskil: Yfirlýsing um meðferð lokaverkefna

Nemandi sem hyggst útskrifast frá Háskóla Íslands skal skila rafrænu eintaki af lokaverkefni sínu í Skemmuna sem er stafrænt varðveislusafn lokaverkefna nemenda og rita kennara við alla háskóla á Íslandi. 

Ritgerð skal skilað í pdf-formi fyrir skiladag viðkomandi deildar ásamt rafrænni yfirlýsingu um meðferð verkefnisins.

Ef yfirlýsingin er opnuð í Acrobat Reader er hægt að fylla hana út rafrænt með því að velja "Tools" og "Fill & Sign". Prentið hana svo út, undirritið og skilið rafrænt í Skemmuna sem sérskjali með ritgerðinni í skrefi 2. 

Annars er yfirlýsingin prentuð út, fyllt út, undirrituð og skilað í Skemmuna sem sérskjali með ritgerðinni í skrefi 2. Þar er hægt að hlaða upp mörgum skrám en aðeins einni í einu.

• Athugið að ritgerðin sem skilað er sé örugglega lokagerð ritgerðarinnar. Ef mistök í skilum eiga sér stað er hægt að biðja um að skjölum sé skipt út einu sinni fyrir útskrift. Sendið þá póst á hi@skemman.is .
   
• Eftir útskrift er ekki lengur mögulegt að skipta út skjölum

Byrjið á að setja ritgerðina og yfirlýsinguna í pdf-form.