Skip to main content
site header image

Doktorsnemar: Yfirlit

helstu hjálpargögn og leiðbeiningar við heimildaleit

Skil á doktorsritgerðum

Frá 2016 eru doktorsritgerðir skrifaðar við íslenska háskóla vistaðar í varðveislusafninu Opin vísindi  sjá leiðbeiningar í Áttavita.

Helstu tæki til heimildaleita

Leitir.is

Safnagáttin þín leitar í gögnum íslenskra safna t.d.; í Gegni samskrá íslenskra bókasafna, Skemmunni varðveislusafni lokaverkefna og rannsóknarita íslenskra háskóla, tímaritum í landsaðgangi svo það helsta sé nefnt. 

Rafræn gagnasöfn

Bjóða upp á fjölbreyttari leitartækni en ofannefnd leitartæki og um leið markvissari leitir og niðurstöður, ef rétt er að farið. Þar er oft aðgangur að heildartextum eða krækjur til að finna þá

                                                                                                  

Google Scholar

Leitar í fræðilegu efni á netinu – þar á meðal er margvíslegt efni sem ekki finnst í gagnasöfnum sem safnið veitir aðgang að.  Góður kostur er að byrja leit í Google Scholar en ráðlegt er að nota einnig hin ýmsu gagnasöfn, sérhæfð og þverfagleg, sem safnið kaupir aðgang að.  

 

Hvað vantar og hvar finn ég?

Bækur 
Prentaðar eða rafrænar sem aðgengilegar eru í íslenskum bókasöfnum er best að finna í leitir.is

Bækur
Upplýsingar um aðrar bækur má finna eftir ýmsum leiðum, eins og í skrám erlendra bókasafna eða bóksala og einnig í google.

Tímaritsgreinar um tiltekið efni
Þegar leitað er að fræðigreinum um tiltekið efni byrja margir á að leita í GoogleScholar og sumir láta það nægja. Við ítarlega heimildaleit er nauðsynlegt að leita víðar. Hin ýmsu gagnasöfn, sérhæfð eða þverfagleg,  bjóða almennt upp á fjölbreyttari leitartækni og markvissari niðurstöður. 

Tímarit
Rafræn tímarit sem safnið hefur aðgang að er best að finna í skránni Finna tímarit sem er uppfærð reglulega og tengir við um 30 þúsund rafræn tímarit. . Skráin Electronic Journals Library vísar á um 80 þúsund rafræn tímarit sem sum eru öllum opin. Þar er m.a. að finna mikið af gömlum ritum í stafrænni endurgerð.

Doktorsritgerðir og meistaraverkefni
Aðgangur að doktorsritgerðum og meistaraverkefnum í íslenskum bókasöfnum má finna í leitir.is ásamt krækjum í heildartexta þegar aðgangur er að þeim, en rafræn meistaraverkefni eru varðveitt í skemman.is.

Doktorsritgerðaskrá

Inniheldur upplýsingar um doktorsritgerðir Íslendinga hvort sem aðgangur er að þeim eða ekki. Krækjur eru í heildartexta þeirra ef þeir eru fyrir hendi. Doktorsritgerðir skrifaðar við íslenska háskóla eru vistaðar í varðveislusafinu Opin vísindi www.opinvisindi.is        

Erlendar doktorsritgerðir og meistaraverkefni má finna í ýmsum varðveisluskrám  einstakra háskóla 

Millisafnalán
Ef gögn sem þörf er fyrir eru ekki til í safninu er hægt að panta millisafnalán sem er gegn gjaldi.