Skip to main content
site header image

Rafrænar bækur í áskrift : Velkomin

Upplýsingar um rafænar bækur í áskrift bókasafnsins og/eða Háskóla Íslands

Velkomin

Í þessum leiðarvísi er að finna upplýsingar um rafrænar bækur hjá Landsbókasafni Íslands - Háskólabókasafni. Rafrænar bækur eru í boði á flestum fræðasviðum og gagnast sérstaklega nemendum og starfsmönnum Háskóla Íslands.

Ný rafræn söfn

Nú hafa notendur aðgang að rafrænum handbókum í hugvísindum og félagsvísindum frá Oxford University Press, kynnið ykkur úrvalið á Oxford Handbooks Online 

Athugið!

Einstök rafræn söfn geta innihaldið efni sem er ekki í áskrift safnsins og/eða Háskóla Íslands. Oft er boðið uppá að takmarka leit við efni í áskrift og getur það verið góður kostur.

Að nota rafrænar bækur - almennar upplýsingar

Rafrænar bækur eru keyptar sérstaklega fyrir nemendur og starfsmenn Háskóla Íslands. Það er hægt að leita að rafrænum bókum, eins og öðrum safnkosti, í bókasafnskerfinu leitir.is Til þess að fá aðgang að bókunum þarf notandi að vera staddur á bókasafninu í Þjóðarbókhlöðu eða tengdur háskólanetinu. Hægt er að tengjast Háskólanetinu utan háskólasvæðisins með VPN tengingu

Aðrir gestir geta nálgast rafræn gögn bókasafnsins á safninu í Þjóðarbókhlöðu, annað hvort úr tölvum á 2. hæð eða með þráðlausri tengingu úr eigin fartölvu. Starfsmenn í þjónustuborði á 2. hæð aðstoða og veita aðgang að tölvum á hæðinni. 
 
 Flestar rafrænar bækur
  • er hægt að finna með leit í bókasafnskerfinu leitir.is 
  • er hægt að finna með leit í safni viðkomandi útgefanda
  • er hægt að lesa sem PDF skrár, HTML síður eða með Adobe Digital Edition forritinu
  • er hægt að nota á bókasafninu, á háskólasvæðinu eða utan þess með því að tengjast Háskólanetinu með VPN tengingu.

 

Notkunarskilmálar - almennt

Leyfilegt 

  • að leita í söfnum útgefenda, skoða safnkost og einstakar bækur
  • að prenta út og vista bókarkafla til persónulegara nota í tengslum við nám, kennslu og rannsóknir
  • að setja krækjur í rafrænar bækur og bókarkafla í bókalista á kennsluvefi Háskóla Íslands

Óleyfilegt

  • að nota rafræna bók eða hluta hennar í viðskiptalegum tilgangi
  • að dreifa, selja eða breyta rafrænni bók
  • að hlaða rafrænum bókum kerfisbundið niður

Umsjónarmaður